أُعذرينى صعب أكمل

أُعذرينى صعب أكمل

أُعذرينى صعب أكمل


كلمات /شاعر الشباب عبدالرازق النجار

 يا ساكنه قلبي بنار حبك أنا إتكويت.

حاولت كتير أطفي نار حبي بدموعي في غيابك لكن للأسف مـ بتنطفيش.

في غيابك دايمًا علي بالي لكنك مَـ بتسأليش.

يا غايبة عني حبيتك.

وبكل الحلو هديتك.

من نبع حناني سقيتك.

سكنتك قلبي وقلت دا بيتك.

إزاي يوم تهجري بيتك.

وتنسي شموعك تحرق فيا.

إزاي قلبي هان عليها؟

ترمي شموعها من إيديها.

وهي عارفه إن نار شموعها في غيابها بتحرق فيك.

موجوع من غيابها.

وغصب عنها مقفول بابها بظروف من حديد.

يوم تواسي أُصبر حبيبي بكرا جايب خير أكيد.

ويوم تغيب فَـ أسألها تقول سامحني كان ظرف جديد.

بعد فتره من الصبر تعبت أكيد.

فَـ طلبت الفراق، فاكر إن الفراق هيرجعني لِـ زمان.

وإن يعني عادي هعيش أخر روقان.

تفكير شاب طيب غلبان.

طبيعته مبقيتش زي زمان.

ياريتها شافت فيا طيبتي وقالت إطَّمن انت فِـ أمان.

مش هسيبك مهما يحصل، مش هسيبك مهما كان.

ردت بس بكلمتين، للدرجه دي، هو دا الحب؟

حسيتها حزينة على فراقنا جيت أتكلم قالت stop ورحلت عني فِـ غمضة عين.

كإنه مكنش بينا حُب!

ليها فِـ قلبي ذكرايات مهما فات مَـ بنسَهاش.

كانت معاها الحياة تتعاش.

لكن سوء تفكيرها فهمها إني محبيتهاش.

إزاي محبيتهاش!

والحياة من غيرها صعب تتعاش.

قولتلها إبعدي عني وقلبي بيصرخ مَـ تسيبهاش.

مسكت في الكلمه كإنها فرصة مجاني ببلاش.

بعتّ رسايل ياما لكنها مَـ قريتهاش.

لو كنتي بدلتي ساعة فراقنا بكلمتين! 

و قلتي حبيبي عقلك فين!

أنا من غيرك صعب أكمل.

كنت هتحمل.

لكن انهاردة لو في رجوع، هقولك صعب اكمل.


إرسال تعليق

أحدث أقدم